Dengê Şoreş û Berxwedana Jinê
Clara Zetkin, di dîroka azadiya jinê de sembola herî mezin a rêxistinbûn û têkoşîna jinên kedkar e. Ew bi pênûs, raman û çalakiya xwe, li dijî pergala mêrşahî û kapîtalîzmê bû dengê jinên bindest û mîraseke mezin a navneteweyî li pey xwe hişt.
Afirînera 8'ê Adarê: Zetkin di sala 1910'an de di Konferansa Jinên Sosyalîst de pêşniyara Roja Jinên Kedkar ên Cîhanê kir. Ev gav bû xaleke werçerxanê û rûmeta têkoşîna jinan gihand asta gerdûnî.Li Dijî Faşîzmê Sekna Dîrokî: Tevî hevala xwe Rosa Luxemburg li dijî şer û zilmê her tim di refên pêş de cih girt. Di sala 1932'an de li parlamentoya Almanyayê, li hemberî rûyê tarî yê faşîzmê bangeke dîrokî ya berxwedanê kir.
Heta Jin Azad Nebe Civak Azad Nabe: Wê her gav bawer dikir ku azadiya rastî tenê bi rizgariya jinê pêkan e. Ev nêzîkatî îro di bingeha felsefeya "Jin, Jiyan, Azadî" û zanista jinê (Jineolojî) de zindî ye û ronahiyê dide serhildanên jinan.
Clara Zetkin bi sekna xwe ya şoreşgerî, îro jî ji bo hemû jinên ku li seranserê cîhanê ji bo maf, azadî û jiyaneke wekhev li ber xwe didin, herdem rê nîşan dide.